Cofnodion – Dydd Mercher, 14eg Mehefin, 2023

Croeso
Diolchodd BE i’r mynychwyr am wneud yr ymdrech i ddod i’r cyfarfod a’u croesawu i’r ysgol.

Grŵp WhatsApp
Soniodd HLl fod awgrym wedi’i wneud ynglŷn â chreu grŵp Whatsapp i hwyluso cyfathrebu rhwng aelodau’r grŵp. Cytunodd y grŵp i hyn. Bydd e-bost i'r Fforwm yn gofyn am rifau ffôn symudol y rhai nad oedd yn bresennol.

Ymchwil Fforwm
Mae HLl wedi cael trafodaeth gyda LlC am ymchwil y Fforwm. Maent yn awyddus iddo ymddangos ar y wefan erbyn Rhagfyr 23. Cyflwynodd HLl y ffurflen y bydd angen ei llenwi ar ddiwedd yr ymchwil a phwysleisiodd y dylid ei chadw'n gryno. Nid oes angen adroddiad manwl iawn ar sut y gwariwyd y £4,000, ond gellir crybwyll ee staff llanw, gan fod y Fforwm yn derbyn arian uniongyrchol gan LlC. Dylid cynnwys dolenni i ddogfennau perthnasol neu unrhyw beth arall a fydd yn ddefnyddiol i ysgolion eraill. Mae pwyntiau bwled yn dderbyniol. Bydd y ffurflen hefyd ar y wefan, yn ogystal â chael ei dosbarthu i aelodau'r Fforwm.

Dywedodd JL y byddai modd i Kevin Palmer gael mwy o fanylion am sail yr ymchwil os yw'r Fforwm am gyhoeddi'n ehangach neu fynd â'r ymchwil ymhellach. Cynigiodd JL gynorthwyo ysgolion i greu eu dogfennaeth, os oedd angen, gan nodi pa fath o ymchwil ydyw, pa fath o ddata a ddefnyddiwyd a sut yr ymdriniwyd â materion moesegol.
Cytunodd HLl o ran cyhoeddi'r ymchwil ond dywedodd ei fod i'w gynnwys ar y wefan yn unig.
Bydd y ffurflen yn mynd allan mewn e-bost i'r Fforwm.
Gofynnodd HLl i JL helpu i greu datganiad agoriadol ar gyfer yr ymchwil.

Digwyddiad i ddisgyblion
Dywedodd HLl y bu trafodaeth yn y cyfarfod blaenorol am gynnal digwyddiad/gweithgaredd yn cynnwys disgyblion. Mae LlC yn awyddus i hyn ddigwydd. Mae tua £10,000 ar gael i sybsideiddio costau ee bysiau a llety. Awgrymwyd ymweliad â Thyddewi, gan mai 2023 yw Blwyddyn y Pererinion. Dywedodd AC fod Rachael Thomas yn fodlon trefnu'r ymweliad cyn hanner tymor mis Hydref. Trafodwyd llety posibl ar gyfer disgyblion a faint ohonynt fyddai'n mynychu. Awgrymwyd bod Cynghorau Ysgol/aelodau'r Senedd yn mynychu. Bydd RT yn rhannu ei gweledigaeth am yr ymweliad ag LA neu gallai gael ei drafod ar y grŵp Whatsapp.

Cyfarfod Nesaf
Gofynnodd HLl a fyddai modd cynnal y cyfarfod yn Ysgol Llanharri oherwydd nad yw'r Fforwm wedi ymweld. Bydd FfP yn holi Rhian Phillips. Cynigiodd BT gynnal yr ail gyfarfod yn Ysgol St. Brigids, Y Rhyl a nododd fod yr ysgol dan fesurau arbennig. Dywedodd HLl nad oedd hyn yn bwysig gan fod angen gwelliant sylweddol ar Ebwy Fawr pan ymwelodd y Fforwm. Cynigiodd HL-J gynnal cyfarfod ym Mro Caereinion yn 2024 pan fydd yr ysgol yn fwy sefydledig.
Holodd y rhai a oedd yn bresennol am ysgolion nad ydynt yn anfon cynrychiolwyr i gyfarfodydd y Fforwm. Dywedodd HLl fod nifer o ysgolion wedi derbyn cyllid ymchwil ac nad ydynt yn mynychu. Mae rhai yn disgwyl arolygiad ac efallai y byddant yn mynychu ar ôl y rhain.

Ymweliadau Fforwm
Dywedodd HLl ei fod wedi trafod ymweliadau tebyg i'r rhai cyn Covid ee yr Alban, Sweden. Gofynnodd am syniadau parthed. ymweliadau pellach. Bydd yn cysylltu â phennaeth ysgol yn Sbaen ond byddai modd ymweld ag ysgolion yr ymwelwyd â nhw o’r blaen. Mae yna ysgolion o bob oed yn Awstralia hefyd.

Gorffen
Diolchodd HLl i BE am groeso cynnes a chyflwyniadau egnïol a diddorol. Gofynnodd i'r cyflwyniadau gael eu hanfon i'r Fforwm ar gyfer yr adran adnoddau.